Spurt&svarað

Finndu svör, upplýsingar og önnur praktísk atriði um Startup SuperNova.
Mynd af kynningu.

Fyrir hverja?

Við óskum eftir öflugum teymum með snjallar og skapandi viðskiptalausnir sem hafa burði til að keppa á alþjóðamarkaði. Hraðallinn er stökkpallur fyrir sprotafyrirtæki og einstakur vettvangur til að þróa áfram nýsköpunarverkefni innan rótgrónari fyrirtækja. Við yfirferð umsókna er horft til sérstöðu og nýnæmi hugmyndar, markaðar sem ætlunin er að höfða til, samsetningu teymisins og áhuga og vilja þeirra til að fara út fyrir þægindarammann og vinna ötullega að markmiðum sínum


Viðvera

Þau teymi sem valin eru til þátttöku fá aðgang að fullbúinni vinnuaðstöðu meðan á verkefninu stendur. Við hvetjum ykkur til að nýta þau tækifæri sem felast í samveru við aðra frumkvöðla. Skipulögð dagskrá fer fram í hverri viku. Þátttakendur þurfa að taka þátt í undirbúningi fyrir fjárfestadag verkefnisins og lokadeginum sjálfum sem fram fer í Reykjavík í byrjun september.


Er hraðallinn einnig fyrir fyrirtæki sem eru nú þegar í rekstri?

Það er ekki skilyrði að fyrirtækin séu nýstofnuð, enda er algengt að nýjar hugmyndir verði til hjá starfsfólki rótgrónari fyrirtækja. Slík fyrirtæki geta sent teymi í Startup SuperNova til að þróa áfram nýja hugmynd eða tækni. Við hvetjum stjórnendur fyrirtækja, sem þurft hafa að draga úr starfsemi sinni vegna COVID-19 faraldursins, sérstaklega til að sækja um. Þátttaka gæti þróað fyrirtækið í nýjar áttir og gert það reiðubúið til að takast á við breyttar aðstæður og nýjar neyslu- og ferðavenjur almennings.


Við erum búsett utan höfuðborgarsvæðisins / erlendis, getum við tekið þátt?

Já, auðvitað! Við leggjum okkur fram við að nýta fjarfundatækni og skipuleggja hraðalinn með þeim hætti að hægt sé að takmarka ferðir á staðinn fyrir þá sem búsettir eru annars staðar.


Hvað kostar að taka þátt?

Þátttaka í hraðlinum kostar ekkert. Þátttakendur þurfa þó sjálfir að standa straum af ferðakostnaði í þeim tilvikum sem það á við.


Er viðskiptahugmyndin mín örugg í ykkar höndum?

Já. Farið er með allar umsóknir sem trúnaðarupplýsingar.


Hvar er aðsetur Startup SuperNova?

Startup SuperNova er starfrækt í hjarta Vísindagarða í Grósku, þar sem finna má suðupott nýsköpunar og frumkvöðlastarfs á Íslandi í nálægð við háskóla, Landspítalann og mörg helstu nýsköpunarfyrirtæki landsins. Sú staðsetning veitir einstakt tækifæri til tilrauna, þekkingarflæðis og verðmætasköpunar.


Innifalið

Aðgangur að vinnuaðstöðu og háhraða nettengingu. Þátttakendur fá aðgang að stórum hópi leiðandi sérfræðinga og fjölda tækifæra til að efla tengslanetið og koma hugmyndinni á framfæri. Við bjóðum upp á stútfulla dagskrá meðan á hraðlinum stendur sem miðar að því þróa áfram viðskiptahugmyndir og koma vöru á markað.


Umsóknarferlið

Til þess að eiga kost á því að sækja um í Startup SuperNova þurfa þáttakendur að hafa setið þriggja daga Mastserclass þar sem áhersla verður lögð á að útbúa 18. mánaða action plan sem skila þarf inn með umsókninni. Eftri að Masterclass líkur hafa þátttakendur um það bil tvær vikur til þess að ljúka umsókninni og sækja um í sjálfan hraðalinn. Hópur vel valdra sérfræðinga mun fara yfir umsóknirnar og gefa þeim einkunn. Gert er ráð fyrir að á bilinu 20 - 30 stigahæstu teymin verði boðuð í viðtal og að lokum tíu teymi valin til þátttöku. Niðurstaða verður svo kynnt með góðum fyrirvara áður en hraðallinn hefst 3. ágúst. Hér er hægt er að skrá sig í Masterclass Startup SuperNova.


Fleiri spurningar?

Hafðu endilega samband í síma 552 5151 eða sendu okkur tölvupóst á netfangið hello@icelandicstartups.is.