ÞJÓNUSTA SEM MÁ EKKI STOPPA
Indó leggur áherslu á einfalda, mannlega og aðgengilega bankaþjónustu. Þegar öll þjónustan er stafræn þarf tæknin að baki henni að vera örugg og áreiðanleg. Til þess þarf Indó samstarfsaðila sem hægt er að treysta á þegar á reynir.
Viðskiptavinur
Indó
Verkefni
Örugg bankaþjónusta
Staðsetning
Ísland
Ár
2018
Hugmyndin að Indó kviknaði árið 2018 með það að markmiði að breyta bankaþjónustu fyrir venjulegt fólk á Íslandi á jákvæðan hátt. Frá upphafi hefur áherslan verið á að gera bankaþjónustu mannlega, aðgengilega, einfalda og gegnsæja. Þar gegnir tæknin lykilhlutverki og gerir Indó kleift að byggja þjónustuna út frá þörfum viðskiptavina og gera dagleg bankaviðskipti eins einföld og mögulegt er. Öll þjónusta er stafræn og því þarf tæknin að baki henni einfaldlega að virka.
Fólk sinnir fjármálum sínum á öllum tímum dags og notar kortin sín víða um heim. Þegar kemur að greiðslum er lítið svigrúm fyrir bið. Kortið þarf að virka þegar viðskiptavinurinn ætlar að nota það. Fyrir Indó þýðir það miklar kröfur til þeirra stafrænu innviða og þjónustuaðila sem starfsemin byggir á.
Indó þarf að geta treyst því að þjónustuaðilar bregðist hratt og örugglega við þegar á þarf að halda. Það traust er lykilatriði í samstarfinu við Nova. Með þjónustu sem Indó getur reitt sig á getur fyrirtækið einbeitt sér að því sem skiptir mestu máli, að þjónusta viðskiptavini sína og halda áfram að bjóða einfalda og aðgengilega bankaþjónustu.
Með trausta þjónustu frá Nova að baki getur Indó haldið fókus á viðskiptavininn á sama tíma og fyrirtækið vex. Samstarfið við Nova hefur fylgt hröðum vexti Indó og Nova hefur sýnt í verki að þjónustan getur vaxið með fyrirtækinu.
105.500
Viðskiptavinir
180+
Lönd þar sem kort Indó eru notuð
2018
Árið sem hugmyndin að Indó kviknaði
„Við verðum að geta treyst því að þjónustur Nova virki allan tímann, þannig að við getum einbeitt okkur að því sem skiptir okkur mestu máli, sem er að þjónusta okkar viðskiptavini.“
Tryggvi Björn Davíðsson
Meðstofnandi og framkvæmdastjóri Indó