Skil­mál­ar

🧾 Almenn atriði

• Skilmálar Nova gilda um alla þjónustu og vörur. Viðskiptavinir samþykkja skilmálana með notkun.
• Sá sem borgar fyrir þjónustuna er greiðandi; sá sem notar þjónustuna er rétthafi.
• Nova má meta lánshæfi og hafna þjónustu ef viðkomandi er í vanskilum.
• Nova ber ekki ábyrgð á truflunum í netsambandi eða a efni sem notendur sækja.
• Notandi ber ábyrgð á búnaði, lykilorðum og annarri notkun. Týnt símkort á að tilkynna tafarlaust.

💳 Greiðslur og vanskil

• Nova sendir kröfur rafrænt í heimabanka viðskiptavina.
• Viðskiptavinur ber ábyrgð á allri notkun, jafnvel þó hann hafi ekki sjálfur notað þjónustuna.
• Ef reikningur er ekki greiddur getur komið til innheimtuaðgerða og að þjónustu verði lokað.
• Dráttarvextir reiknast eftir eindaga.

📴 Uppsögn

• Samningur er ótímabundinn nema annað sé tekið fram.
• Hægt er að segja upp með minnst eins mánaðar fyrirvara, nema um annað sé samið.
• Nova getur lokað þjónustu ef notandi hegðar sér ósæmilega eða misnotar hana.

🛠 Ábyrgð á tækjum

• 24 mánaða ábyrgð gildir á bilunum í tækjum, þó ekki ef þær stafa af höggi, vatni, notkun rangra aukahluta eða annarri rangri meðferð.
• Gögn á símtækjum eru á ábyrgð notanda.
• Notuðum leigubúnaði þarf að skila í góðu ásigkomulagi, annars má Nova rukka fyrir hann.

📱 Farsíma- og netþjónusta

• Ógreidd þjónusta getur hindrað númeraflutning.
• Gagnamagn sem fylgir þjónustu má nota á Íslandi og að hluta í Evrópu (EES löndum), nema annað sé tekið fram.
• Óeðlileg netnotkun getur leitt til takmarkana eða lokunar þjónustu.
• Notandi færist sjálfkrafa í stærri pakka ef hann fer yfir gagnamagn.

🔐 Persónuvernd

• Nova vinnur með persónuupplýsingar í samræmi við persónuverndarstefnu, sem er hluti skilmálanna.

⚖️ Lagasvið og ágreiningur

• Skilmálar lúta íslenskum lögum.
• Ágreiningur er leystur af Fjarskiptastofu eða Héraðsdómi Reykjavíkur.
• Skilmálar geta tekið breytingum með 30 daga fyrirvara.

Fyrir áhugasöm um lögfræði er hægt að lesa alla skilmálana hér að neðan:

1.1 Skilmálar þessir gilda um réttarsamband milli Nova hf., kt. 531205-0810, Lágmúla 9, 108 Reykjavík (Hér eftir ,,Nova‘‘) og viðskiptavinar og eftir atvikum rétthafa, vegna kaupa á þjónustu eða vörum. Viðskiptavinir Nova skuldbinda sig til þess að hlíta þeim skilmálum sem gilda um notkun þjónustu Nova á hverjum tíma.

Eftirfarandi telst einnig hluti af skilmálum Nova:
• Persónuverndarstefna Nova, sem finna má á vefsíðu félagsins hér.
• Verðskrá Nova sem finna má vefsíðu félagsins www.nova.is

1.2 „Viðskiptavinur“ Nova samkvæmt skilmálum þessum er greiðandi þjónustu Nova. Sé annar aðili notandi þjónustunnar en viðskiptavinurinn, er sá notandi rétthafi. Fyrirtæki og einstaklingar geta verið viðskiptavinir Nova í skilningi skilmála þessara en rétthafi er ávallt einstaklingur.

1.3 Rétthafi einn getur verið greiðandi þjónustu nema annar aðili, þ.e. annar en notandi þjónustunnar sem er jafnframt rétthafinn, samþykki sérstaklega greiðsluskyldu fyrir viðkomandi rétthafa vegna þjónustunnar.

1.4 Nova áskilur sér rétt til að gera mat á lánshæfi viðskiptavinar við frágang samnings um þjónustu, eða hvenær sem er á samningstíma. Er Nova heimilt í þeim tilgangi að afla upplýsinga hjá óháðum aðilum á sviði lánshæfismats eða úr gagnagrunnum um vanskil. Nova áskilur sér rétt til að synja aðila um fjarskiptaþjónustu sé hann á vanskilaskrá.

1.5 Þjónusta Nova er ætluð til notkunar í farsíma og netbúnað viðskiptavina og rétthafa. Nova áskilur sér rétt til þess að loka fyrir fjarskiptaþjónustu ef í ljós kemur að þjónustan er notuð með sviksamlegum hætti.

1.6 Nova ber hvorki ábyrgð á beinu né óbeinu tjóni sem viðskiptavinur eða rétthafi kann að verða fyrir vegna sambandsleysis, rofs á fjarskiptum eða annarra truflana sem kunna verða.

1.7 Nova hefur ekki eftirlit með eða ber ábyrgð á innihaldi efnis sem sótt er á Internetið eða keypt er af þriðja aðila. Öll notkun, framleiðsla og vinnsla með efni sem fengið er af Internetinu er á ábyrgð viðskiptavinar. Nova hefur ekki eftirlit með og ber ekki ábyrgð á innihaldi skilaboða sem viðskiptavinur eða rétthafi móttekur og/eða sendir.

1.8 Viðskiptavinur Nova er ábyrgur fyrir búnaði, greiðslum og allri notkun. Ef viðskiptavinur getur af einhverjum ástæðum ekki skilað búnaði eða skilar búnaði sem er ekki í ástandi til útleigu aftur þá er Nova heimilt að gjaldfæra á viðkomandi viðskiptavin upphæð sem nemur verðmæti búnaðarins á þeim tíma sem hann var afhentur.

1.9 Viðskiptavinur og rétthafi skulu gæta þess að lykilorð og/eða aðgangsorð er tengjast þjónustunni komist ekki í hendur annarra aðila, t.a.m. PIN/PUK símkortsins og/eða aðgangur að Stólnum, þjónustusíðu Nova á netinu. Öll notkun á þjónustunni er á ábyrgð viðskiptavinarins. Ef viðskiptavinur eða rétthafi glatar símkorti, eða því er stolið, er mikilvægt að hann tilkynni Nova tafarlaust um slíkt. Hægt er að tilkynna um týnt/glatað símkort hjá þjónustuveri Nova í síma 519 1919, með því að senda tölvupóst á [email protected], hafa samband í gegnum netspjallið á nova.is, eða koma í verslun Nova.

1.10 Óski viðskiptavinur eftir því að gera breytingar á þjónustunni ber honum að beina beiðni um slíkt til Nova með því að hafa samband við þjónustuver Nova í síma 519 1919, með því að senda tölvupóst á [email protected], hafa samband í gegnum netspjallið á nova.is, eða koma í verslun Nova. Nova áskilur sér rétt til þess að krefja rétthafa staðfestingar með rafrænum skilríkjum á slíkum beiðnum.

1.11 Ef í ljós kemur að notkun felur í sér misnotkun á búnaði og/eða misnotkun á þjónustu Nova áskilur Nova sér rétt til að synja viðskiptavini eða rétthafa um þjónustu, ýmist um stundarsakir eða til frambúðar.

1.12 Nova áskilur sér rétt til að hafa samband við viðskiptavin og/eða rétthafa, með símtölum, sms skilaboðum eða með því að senda tölvupóst á það netfang viðskiptavinar sem hann hefur tilgreint, í viðskiptalegum tilgangi, í markaðslegum tilgangi, til þess að auka þjónustu, láta vita um breytingar á þjónustu viðskiptavinarins eða til þess að fá upplýsingar um upplifun viðskiptavinar eða rétthafa af þjónustu Nova. Ef breyting á sér stað á þjónustu Nova, eru slíkar tilkynningar sendar með tölvupósti á það netfang sem viðskiptavinur eða rétthafi hefur tilgreint.

1.13 Brot á skilmálum þessum kann að valda tafarlausri lokun á þjónustu viðskiptavinar og rétthafa.

2.1 Um gjald fyrir fjarskiptaþjónustu, sem og aðra þjónustu Nova, fer samkvæmt gildandi verðskrá sem Nova gefur út og er aðgengileg á vefsíðu Nova, www.nova.is. Upplýsingar um verðskrá má einnig fá hjá þjónustuveri Nova í síma 519 1919, með því að senda tölvupóst á [email protected], hafa samband í gegnum netspjallið á nova.is, eða koma í verslun Nova.

2.2 Viðskiptavinur ber ábyrgð á greiðslum til Nova vegna notkunar sem á sér stað á fjarskiptaþjónustu eða búnaði, óháð því hvort viðskiptavinur hefur heimilað notkun eða ekki.

2.3 Nova sendir kröfur rafrænt í heimabanka viðskiptavinar. Nova sendir ekki reikninga á pappírsformi. Nova getur krafist þess að viðskiptavinur framvísi sérstökum tryggingum fyrir greiðslur vegna notkunar á þjónustu Nova, t.a.m. með því að framvísa kreditkorti.

2.4 Nova leitast við að birta upplýsingar um sundurliðun á notkun á Stólnum á nova.is. Nova ábyrgist ekki að notkun verði alltaf birt skilyrðislaust. Markmið Nova er að birta notkunarupplýsingar innanlands innan tveggja klukkustunda og notkun erlendis innan tveggja daga frá notkun. Nova útilokar ekki að tafir geti orðið á birtingu sundurliðaðrar notkunar.

2.5 Hafi viðskiptavinur athugasemdir við útgefinn reikning skal hann koma þeim athugasemdum á framfæri við Nova án tafar og eigi síðar en á eindaga kröfu, en annars telst reikningur samþykktur af viðskiptavini. Berist athugasemd eftir eindaga reiknings, en atvik réttlæta með ótvíræðum hætti að tafir hafi orðið á athugasemdum frá viðskiptavini, skal Nova taka slíkar athugasemdir til skoðunar.

2.6 Reikningstímabil miðast við almanaksmánuð. Gjalddagi reiknings er viku fyrir eindaga sem er annan virka dag þarnæsta mánaðar eftir að notkunarmánuð. Sé reikningur ekki greiddur á eindaga reiknast dráttarvextir frá gjalddaga til greiðsludags eins og þeir eru ákveðnir samkvæmt 1. mgr. 6. gr. laga um vexti og verðtryggingu, nr. 38/2001.

2.7 Greiði viðskiptavinur ekki reikninga frá Nova á gjalddaga og líði eindagi án þess að greiðsla hafi verið innt af hendi, er viðskiptavinur minntur á ógreiddan reikning af Nova. Ef krafan er ekki greidd, er send innheimtuviðvörun sex (6) dögum eftir eindaga. Innheimtuviðvaranir frá Nova og upplýsingar um til hvers þær kunna að leiða eru sendar með tölvupósti á netfang viðskiptavinar, með pósti á uppgefið lögheimili viðskiptavinar eða í heimabanka viðskiptavinar. Sé krafan ekki greidd 28 dögum eftir eindaga, í tilviki fyrirtækja, og 50 dögum eftir eindaga, hjá einstaklingum, verður hún flutt í milliinnheimtu og greiðir viðskiptavinur þann kostnað sem af slíku ferli hlýst sbr. Innheimtulög nr. 95/2008. Í þeim tilvikum, ef greiðandi þjónustu Nova er annar en rétthafi, sbr. gr. 1.2. í skilmálum þessum, og greiðandi verður ekki við greiðsluáskorunum, áskilur Nova sér rétt til að krefja rétthafa um greiðslu þess sem er í vanskilum. Nova getur synjað viðskiptavini og rétthafa um frekari þjónustu vegna vanskila.

2.8 Heimilt er að loka fyrir þjónustu hafi reikningur ekki verið greiddur 30 dögum eftir eindaga reiknings. Ekki er þó lokað fyrir símtöl í 112 Neyðarlínuna, þrátt fyrir að lokað hafi verið fyrir aðrar úthringingar úr viðkomandi símanúmeri.

3.1 Eftir að gengið hefur verið frá kaupum viðskiptavinar á þjónustu Nova, og hann hefur staðfest að hafa móttekið og kynnt sér skilmála Nova, er kominn á ótímabundinn samningur milli viðskiptavinar og Nova nema sérstaklega hafi verið samið á annan hátt.

3.2 Báðir aðilar geta sagt upp þjónustu, svo fremi að ekki séu í gildi sérákvæði um uppsögn í samningi aðila. Uppsögn skal vera skrifleg og gerð með eins mánaðar fyrirvara hið minnsta og miðast uppsögn við mánaðamót, nema kveðið sé á um annað í samningi aðila. Hægt er að segja upp þjónustu með því að hafa samband við þjónustuver Nova í síma 519 1919, með því að senda tölvupóst á [email protected], hafa samband í gegnum netspjallið á nova.is, eða koma í verslun Nova. Nova áskilur sér rétt til að krefja rétthafa um staðfestingu á uppsögn á þjónustu eftir atvikum með rafrænum skilríkjum.

3.3 Nova er heimilt að takmarka, synja og/eða segja upp þjónustu viðskiptavinar eða rétthafa, tímabundið eða varanlega, og eftir atvikum rifta samningi við viðkomandi viðskiptavin ef hann eða rétthafi sýna af sér ógnandi, dónalega og/eða aðra óásættanlega framkomu í garð starfsmanns Nova.

3.4 Fyrirframgreidd þjónusta er ekki endurgreidd við uppsögn þrátt fyrir að hafa ekki verið að fullu nýtt.

3.5 Viðskiptavinur hefur eins mánaðar uppsagnarfrest áður en breytingar á skilmálum Nova taka gildi, nema þar sem önnur ákvæði í samningum aðila gilda.

4.1 Ábyrgð Nova sem seljanda gildir í 24 mánuði frá kaupdegi tækis. Ábyrgð tekur til galla og bilana sem fram kunna að koma í tækinu á tilgreindum ábyrgðartíma.

4.2 Nova ber ekki ábyrgð á bilunum sem rekja má til vatns- og rakaskemmda, högg- og hnjaskskemmda, eða hverskonar rangrar og/eða óskynsamlegrar meðferðar á tæki.

4.3 Nova ber ekki ábyrgð á því sem telst til eðlilegs slits á tæki.

4.4 Greining á tæki fer fram hjá umboðsaðila tækisins. Ábyrgð fellur niður ef tæki hefur verið opnað af aðila sem ekki hefur til þess tilskilin leyfi frá framleiðanda þess. Ábyrgð fellur niður ef við tæki eru notaðir aukahlutir sem ekki eru viðurkenndir af framleiðanda (t.d. framhliðar, hleðslutæki, loftnet, rafhlöður o.s.frv.).

4.5 Bilun vegna hugbúnaðargalla í símtæki fellur ekki undir ábyrgð Nova nema ef bilun má beinlínis rekja til hugbúnaðarins.

4.6 Nova ábyrgist ekki afritun gagna og er viðskiptavini, eða eftir atvikum rétthafa, ráðlagt að afrita gögn, svo sem myndir, símanúmer o.fl., áður en símtæki er sett í viðgerð.

4.7 Ef skoðun leiðir í ljós að tæki reynist ekki í ábyrgð fær viðskiptavinur upplýsingar um það í SMS skilaboðum eða í tölvupósti frá Nova þar sem áætlaður kostnaður við viðgerð er tilgreindur, reynist tækið viðgerðarhæft. Viðskiptavinur hefur þá allt að 30 daga til að ákveða hvað gert skuli við símtækið. Eftir það áskilur Nova sér rétt til að ráðstafa tækinu í endurvinnslu.

4.8 Skilaréttur kaupanda af ónotaðri vöru frá Nova er 30 dagar. Vörunni þarf að skila í upprunalegum umbúðum ásamt öllum fylgihlutum en innsigli umbúða má ekki vera rofið.

5.1 Viðskiptavinir sem flytja símanúmerið sitt frá öðru fjarskiptafyrirtæki til Nova, eða frá Nova til annars fjarskiptafyrirtækis, verða að vera rétthafar þess símanúmers sem flutt er.

5.2 Nova áskilur sér rétt til hafna númeraflutningi frá Nova til annars fjarskiptafyrirtækis, ef um vanskil á greiðslu gjalda fyrir þjónustu Nova er að ræða. Númeraflutningur fer að öðru leyti eftir reglum Fjarskiptastofu, um númera- og þjónustuflutning í almennum fjarskiptanetum nr. 1112/2022.

5.3 Viðskiptavini sem gert hefur samning um þjónustu við Nova til tiltekins tíma, er heimilt að segja upp slíkum samning á samningstímanum en Nova áskilur sér þá þann rétt að krefja viðkomandi viðskiptavin um þau gjöld sem ógreidd eru af samningstímanum.

5.4 Óski viðskiptavinur eftir því að framselja samning sinn við Nova til þriðja aðila ber honum að senda skriflega beiðni þess efnis til Nova. Framsal getur aðeins átt sér stað þegar greitt hefur verið að fullu fyrir þegar veitta þjónustu til framseljanda og með samþykki rétthafa.

6.1 Gildistími frelsisáfyllinga er 30 dagar, hvort sem um krónuáfyllingar eða netpakka er að ræða. Ef inneign skv. netpakka hefur ekki verið fullnýtt innan gildistíma hans falla eftirstöðvar hennar niður. Í tilviki krónuáfyllinga flytjast eftirstöðvar inneignar á milli mánaða, en falla niður komi til lokunar þjónustu af einhverjum ástæðum.

6.2 Ef númer er án frelsisáfyllingar í 30 daga áskilur Nova sér rétt til þess að loka fyrir úthringingar og netnotkun, að fimm (5) mánuðum liðnum án áfyllingar áskilur Nova sér rétt til þess að loka fyrir innhringingar og að 12 mánuðum liðnum án áfyllingar áskilur Nova sér rétt til þess að gera númer óvirkt.

6.3 Hafi númer verið gert óvirkt skv. gr. 6.2. getur rétthafi númers óskað eftir endurvirkjun þess með því að hafa samband við þjónustuver Nova í síma 519 1919, með því að senda tölvupóst á [email protected], hafa samband í gegnum netspjallið á nova.is, eða koma í verslun Nova. Nova áskilur sér rétt til að krefja rétthafa um að auðkenna sig með löggildum skilríkjum, eða eftir atvikum með rafrænum skilríkjum.

6.4 Gagnamagn í frelsi sem ekki er greitt fyrir, sbr. t.d. hvers konar tilboð og MínusÁtján (Krakkafrelsi) er aðeins hægt að nýta á Íslandi en ekki í Evrópu eða í löndum utan Evrópu.

6.5 Ef skuld myndast hjá viðskiptavini í frelsisþjónustu, vegna notkunar erlendis, er Nova heimilt að krefjast greiðslu eftir á vegna umræddrar notkunar. Nova áskilur sér rétt til að skuldajafna frelsisinneign viðskiptavinar á móti skuld hans. Ef sú skuldajöfnun á inneign viðskiptavinar dugar ekki til þess að greiða skuld að fullu, mun Nova senda viðkomandi viðskiptavini greiðsluseðil vegna þess sem upp á vantar.

7.1 Uppsetning á hugbúnaði er ávallt á ábyrgð viðskiptavinar og ber Nova því ekki ábyrgð á tjóni sem notkun eða uppsetning kann að valda, hvort sem hún á sér stað í gegnum síma, tölvu eða á annan hátt. Viðskiptavini og rétthafa er óheimilt að hýsa eða dreifa efni sem brýtur í bága við lög, reglur og/eða almennt velsæmi.

7.2 Til að tryggja öryggi í gagnaflutningum áskilur Nova sér rétt til að loka fyrir þjónustuna um stundarsakir eða til frambúðar, fari gagnamagn yfir skilgreind öryggismörk þjónustuleiðar hverju sinni.

7.3 Netnotkun miðast við bæði innlent og erlent gagnamagn, sótt og sent. Í farsímaáskrift, frelsi og netþjónustu er opið fyrir netnotkun erlendis. Innifalið gagnamagn er hægt að nota á Íslandi og í Evrópu (EES) samkvæmt verðskrá sem má finna á www.nova.is, nema annað sé tekið fram í skilmálum þessum eða í verðskrá.

7.4 Ef netnotkun fer yfir innifalið gagnamagn þjónustuleiðar í áskrift, færir Nova viðskiptavin sjálfkrafa í stærri þjónustuleið sem hentar notkun viðkomandi. Viðskiptavini er tilkynnt um breytta þjónustuleið með sms. Hægt er að færa sig aftur í fyrri þjónustuleið í Stólnum (þjónustusíðum Nova), með því að senda tölvupóst á [email protected], hafa samband í gegnum netspjallið á nova.is, eða koma í verslun Nova. Nova áskilur sér rétt til að krefja rétthafa um að auðkenna sig með löggildum skilríkjum, eða eftir atvikum með rafrænum skilríkjum, þegar þjónustuleið er breytt. Slík breyting tekur gildi frá og með næstu mánaðarmótum. Viðskiptavinur sem klárar innifalið gagnamagn stærsta netpakkans fær umframpakka með auka gagnamagni skv. verðskrá Nova.

7.5 Ótakmarkað innifalið gagnamagn í farsímaáskrift, frelsi og/eða Ljósleiðara Nova miðast við almenna netnotkun. Nova áskilur sér rétt til að takmarka eða loka þjónustu ef notkun viðskiptavinar felur í sér óeðlilegt álag, sem hefur neikvæð áhrif á upplifun annarra viðskiptavina af þjónustunni.

7.6 Ef viðskiptavinur segir upp notkun á ljósleiðara, þarf uppsögnin að berast eigi síðar en 15. dag mánaðar til þess að hún taki í gildi um næstu mánaðarmót. Ef uppsögn berst eftir 15. dag mánaðar tekur hún gildi um þar næstu mánaðarmót. Við uppsögn á ljósleiðara skal viðskiptavinur skila netbúnaði sem hann er með á leigu. Ef netbúnaði er ekki skilað innan 30 daga frá uppsögn verður innheimt mánaðarlegt þjónustugjald/leigugjald fyrir búnaðinn samkvæmt gildandi verðskrá Nova hverju sinni.

8.1 Nova ber ábyrgð á uppsetningu og rekstri eigin búnaðar sem nauðsynlegur er til þess að veita þjónustuna. Uppsetning og rekstur á búnaði viðskiptavinar sem ekki hefur verið gerður sérstakur rekstrarsamningur um við Nova og ekki telst hluti af veittri þjónustu er ávallt á ábyrgð viðskiptavinar. Nova ber ekki ábyrgð á afleiddu tjóni viðskiptavinar eða þriðja aðila sem notkun eða uppsetning á búnaði viðskiptavinar kann að valda.

8.2 Búnaður sem Nova afhendir viðskiptavini er einungis ætlaður til eigin notkunar viðskiptavinar eða rétthafa. Viðskiptavini er óheimilt að leigja, selja eða láta af hendi búnaðinn til þriðja aðila. Þá er viðskiptavini einnig óheimilt að eiga við búnaðinn með nokkrum hætti, s.s. að taka hann í sundur og/eða gera á honum breytingar af einhverju tagi. Viðskiptavinur ber ábyrgð á meðferð þess búnaðar sem hann fær frá Nova og gildir sú ábyrgð á meðan búnaðurinn er í hans vörslum.

8.3 Nova áskilur sér rétt til að krefjast afhendingar á búnaði sínum til að láta fara fram skoðun á ástandi hans en skal þá afhenda viðskiptavini samskonar búnað á meðan skoðun stendur.

9.1 Um áskriftarleiðir og verðlagningu áskrifta er fjallað í gildandi verðskrá Nova hverju sinni. Finna má nánar um áskriftaleiðir inn á www.nova.is.

9.2 Sjálfsvörn 9.2.1 Í SjálfsVörn Nova felst leiga á Ajax öryggiskerfisbúnaði þar sem viðskiptavinur greiðir mánaðarlegt afnotagjald. Allur búnaður sem viðskiptavinur fær til afnota í SjálfsVörn er eign Nova og ber viðskiptavinur ábyrgð á hvers konar tjóni á leigðum búnaði, þ. á m. vegna hvers konar breytinga á búnaðinum.

9.2.2 Leigugjöld vegna SjálfsVarnar eru fyrirframgreidd mánaðarlega með skuldfærslu á greiðslukort (kredit- eða debetkorti). Mánaðargjald er innheimt frá og með þeim degi sem uppsetning á búnaði á sér stað og svo mánaðarlega þar eftir á meðan viðskiptavinur er með SjálfsVörn.

9.2.3 Ef ekki tekst að skuldfæra greiðslukort viðskiptavinar er krafa send í heimabanka viðskiptavinar. Gjalddagi/eindagi kröfu er upphaflegur greiðsludagur mánaðargjaldsins fyrir SjálfsVörn sem ekki tókst að skuldfæra. Nova áskilur sér rétt til senda vangreiddar leigugreiðslur til þriðja aðila til innheimtu sbr. gr. 2.9. í skilmálum þessum. Hafi vanskil varað lengur en 3 mánuði áskilur Nova sér rétt til þess að innheimta uppgreiðslugjald sem nemur endursöluverði búnaðarins skv. gildandi verðskrá Nova.

9.2.4 Uppsetning á SjálfsVörn felur í sér lím og/eða skrúfur sem geta skilið eftir sig för sem Nova eða samstarfsaðilar bera ekki ábyrgð á. Ekki er greitt sérstaklega fyrir uppsetningu á SjálfsVörn. Nova hefur ekki aðgang að SjálfsVörn viðskiptavinar nema að fengnu leyfi viðskiptavinar, og þá aðeins tímabundið í samræmi við óskir viðskiptavinar. Nova annast ekki vöktun eða eftirlit með öryggiskerfinu og ber enga ábyrgð á bruna- eða vatnstjóni, tjóni vegna innbrota eða öðru tjóni sem viðskiptavinur kann að verða fyrir. Notkun kerfisins er alfarið á ábyrgð viðskiptavinar.

9.2.5 Við uppsögn á SjálfsVörn ber viðskiptavinur ábyrgð á því að taka niður allan búnað og afhenda Nova. Uppsögn tekur gildi þegar búnaði hefur verið skilað í næstu verslun Nova. Hafi búnaður skemmst í vörslum eða meðförum viðskiptavinar skal viðskiptavinur greiða Nova uppgreiðslugjald sem nemur endursöluverði búnaðarins skv. gildandi verðskrá Nova.

9.3 NovaTV 9.3.1 NovaTV appið er ókeypis þjónusta fyrir viðskiptavini Nova, en veitt öðrum gegn gjaldi. Notendum býðst einnig að kaupa sér áskrift að völdum sjónvarpsstöðvum og streymisþjónustum til að horfa á í gegnum appið. Verðskrá má finna á vef Nova, https://www.nova.is/nova-tv. Þá býður Nova einnig upp á milligöngu um kaup á áskrift að öðrum stöðvum s.s. Stöð 2, Sjónvarpi Símans Premium o.fl. 9.3.2 NovaTV er til einka- og heimilisnota fyrir viðskiptavini Nova og áskrifendur þjónustunnar.

9.4 Nova Appið 9.4.1 Í Nova appinu má nálgast ýmist tilboð á vöru og þjónustu hjá samstarfsaðilum Nova. Þá er Nova einnig í samstarfi við Tix.is um útgáfu á rafrænum aðgöngumiðum á ýmsa viðburði. Um notkun, endurgreiðslu, breytingar og annað tengt slíkum rafrænum miðum gilda skilmálar Tix.is.

10.1 Í tengslum við veitingu þjónustu Nova og í samskiptum við viðskiptavini og rétthafa vinnur Nova með persónuupplýsingar einstaklinga eins og nánar er lýst í Persónuverndarstefnu Nova. Persónuverndarstefna Nova telst hluti skilmála þessara.

11.1 Um samning aðila og skilmála þessa gilda íslensk lög. Rísi ágreiningur um túlkun eða skýringu þeirra geta aðilar vísað slíkum ágreiningi til úrskurðar Fjarskiptastofu. Mál vegna samnings aðila eða skilmála þessara skulu rekin fyrir Héraðsdómi Reykjavíkur.

11.2 Skilmálar þessir gilda nema annað sé tekið fram í gildandi verðskrá Nova eða sérskilmálum fyrir hverja þjónustu Nova.

11.3 Skilmálar þessir gilda um þjónustu Nova og geta tekið breytingum. Allar breytingar verða kynntar með minnst 30 daga fyrirvara á www.nova.is. Öll verð á vef og í auglýsingum eru birt með fyrirvara um villur.

12.1 Skilmálar þessir taka í gildi frá og með 1. júlí 2025 og halda gildi sínu þar til nýir taka gildi.

Hvað eru vefkökur?

Vefkökur (e. cookies) eru litlar textaskrár sem eru geymdar í minninu á tölvunni þinni í gegnum vafrann þinn. Þær eru notaðar til þess að gera notendaupplifun þína sem besta og einfalda okkur að hafa yfirlit yfir þínar stillingar, til að tryggja öryggi og til að greina umferð um síðuna.

Hvaða vefkökur notar Nova?

Nauðsynlegar kökur

Kökur sem eru nauðsynlegar til að tryggja sem besta virkni á nova.is. Án þessara vefkaka gætum við ekki veitt þá þjónustu sem við viljum geta veitt. Þessar kökur safna ekki upplýsingum sem geta verið notaðar til þess að auðkenna gesti nova.is né fylgjast þær með eða muna hvar þeir hafa verið á netinu. netinu.

Virknikökur

Þessar kökur leyfa okkur að veita gestum betri upplifun við notkun á vefnum. Þessar kökur safna ekki upplýsingum sem geta verið notaðar til þess að auðkenna gesti nova.is.

Vefsíðugreining

Við vefsíðugreiningu er notast við tölfræðikökur sem greina hegðun gesta á nova.is með því að safna nafnlausum upplýsingum til greiningaraðila.

Markaðssetning

Kökur vegna markaðssetningar skoða hegðun gesta á vefnum og tilfærslur milli vefsvæða. Tilgangur þeirra er að birta auglýsingar sem eru viðeigandi og líklegar til að vekja áhuga einstakra notanda.

Er hægt að sleppa við vefkökur?

Þú getur slökkt á vefkökum í vafranum þínum. Hér má finna upplýsingar um stillingar á vefkökum í öllum algengustu vöfrum. Þessi síða inniheldur einnig almennar upplýsingar um vefkökur og áhrif þeirra á okkur og vefnotkun okkar. Tengill er á vefsvæði þriðja aðila. Nova ber ekki ábyrgð á þeim upplýsingum sem þar koma fram.

Nova notar vefkökur frá þriðja aðila sem háðar eru samþykki notanda. Þessar vefkökur eru ekki nauðsynlegar til að nota vefinn en veita Nova mikilvægar upplýsingar fyrir starfssemi sína og þjónustu á vefnum. Notendur geta nálgast upplýsingar um þessar kökur og hvort og hvernig hægt að er að afturkalla samþykki við notkun þeirra á vefsíðum þessara þriðju aðila. Nova ber ekki ábyrgð á þeim upplýsingum sem þar koma fram.

• Vefkökur hjá Adform
• Vefkökur hjá Facebook
• Vefkökur hjá Google
• Vefkökur hjá Siteimprove

Þjónustustefna Nova er einföld, bannað er að segja nei. Þannig viljum við að öll í Nova liðinu hugsi í lausnum með viðskiptavinum og styðji við markmið okkar um að eiga ánægðustu viðskiptavinina. Þegar mistök eiga sér stað er mikilvægast að leysa málin fljótt og vel. Verði okkur á mistök í númera- eða þjónustuflutningum, þ. e. greiðendabreytingum eða breytingum á rétthafa eða notanda, gerum við okkar besta til þess að leiðrétta slík mistök eins fljótt og mögulegt er. Telji viðskiptavinur sig hafa orðið fyrir þjónustutapi eða -rofi vegna mistaka í númera- eða þjónustuflutningum höfum við sett viðmið varðandi skaðabætur til viðskiptavina í slíkum tilvikum.

Skoðaðu allt um málið hér.

Viltu koma á framfæri kvörtun eða ábendingu um hvað við hjá Nova getum gert betur? Þá hvetjum við þig til að heyra í okkur eða senda okkur línu. Þú þarft ekki einu sinni að koma undir nafni!