4G Netþjón­usta

4G netþjónusta er nettenging sem nýtir sér hratt 4G netsamband Nova, víðsvegar um landið.

4G býður upp á mikla bandvídd, eða meðalhraða í kringum 25-50 megabita á sekúndu, þar sem gott samband næst. Einnig er mjög snarpur svartími á 4G eða um 10–30 millísekúndur.

4G netþjónusta er háhraða farsímakerfi sem nær til yfir 95% landsmanna.

Þú getur skoðað þjónustusvæði Nova hér og meira segja flett upp heimilisfangi!

4G net getur náð mjög fínum hraða, eða allt frá 25 megabitum á sekúndu og upp í 50 megabita við eðlilegar aðstæður. Það er nóg til að streyma 4K myndefni við góðar aðstæður, og gott betur.

4.5G er okkar nýjasta kerfi. Það nær enn meiri hraða og getur komið þér umfram 100 megabita á sekúndu.

4.5G er tiltölulega ný kynslóð farsímasambands sem býður upp á enn meiri hraða, eða 1.000 megabita á hverjum farsímamsendi í stað 250 megabita.

Því miður styður núverandi 4G endabúnaður ekki 4.5G, en það stendur til bóta á næstunni.

Það er einfalt að horfa á sjónvarp hjá Nova. Þú sleppir einfaldlega myndlyklinum og nýtir þér nýjar leiðir að ótakmarkaðri afþreyingu í gegnum snjalltæki heimilisins, tölvuna, spjaldtölvuna, leikjatölvuna eða snjallsjónvarpið. Hér eru nokkrar leiðir sem við mælum með:

• Nova TV fyrir Android, iOS og Apple TV. Allar helstu sjónvarpsstöðvar á Íslandi, bæði í beinni og einnig uppsafnað efni.

• Sjónvarp RÚV er með app fyrir græjur frá Apple og í Android síma. Við mælum með Sjónvarp á Apple TV 4 fyrir hámarksupplifun. Kynntu þér Sjónvarp betur.

• Netflix er líka til á Íslandi! Þar færðu allt það nýjasta sem Netflix sendir frá sér. Glás af erlendu efni, helling með íslenskum texta og íslenskir þættir eru farnir að birtast þar líka. Allt um Netflix.

• YouTube. Þessa margfrægu efnisveitu er hægt nálgast í gegnum flest snjalltæki og snjallsjónvörp. YouTube er með hellingsgommu af allskonar efni og þar geta allir fundið sér eitthvað.

• Facebook Video er mætt á markaðinn og eru með app fyrir Apple TV 4.

• Google Play Videos þeir sem eru með Android snjalltæki eða snjallsjónvarp geta leigt sér spólu á Google Play Videos, eða keypt, sem reyndar kostar mun meira. Eina sem þú þarft að gera að skrá þig inn með Google aðgangi og setja inn greiðslukort.

Ef þú ert með Ljósleiðara hjá Nova og myndlykill frá Vodafone eða Símanum getur þú verið með myndlykilinn áfram en við mælum með að þú segir bless við óþarfa mánaðargjald.

Allt gagnamagn er mælt í 4G netþjónustu Nova. Innlent og erlent, sótt eða sent.

Boðið er upp á stútfulla pakka af gagnamagni, með mismunandi mörgum gígabætum eftir þörfum hvers og eins.

Hægt er að vera með áskrift eða kaupa frelsi og fylla á eftir þörfum. Í áskriftinni klárast aldrei gagnamagnið og við fyllum á sjálfkrafa ákveðið magn eftir áskrift.

Verðskrá Áskrift.

Verðskrá Frelsi.

Önnur verð.

Þú þarft ekki að hafa neinar áhyggjur! Þú færist sjálfkrafa í stærri netpakka sem hentar þinni notkun. Ef þú vilt breyta aftur gerir þú það í Nova appinu eða smellir á hlekkinn sem við sendum þér í tölvupósti, athugaðu að sú breyting gildir frá og með næstu mánaðamótum. Ef þú lendir í vandræðum getur þú líka haft samband við okkur á netspjallinu eða í 519 1919.

Með því að gera þjónustusamning í áskrift í 6 mánuði færð þú netbúnað á lægra verði. Þú getur sagt upp þjónustusamningnum áður en 6 mánuðir eru liðnir en greiðir þá uppsagnargjald skv. verðskrá.

Já, það er nú barasta ekkert mál.

Við bjóðum upp á pakka frá 1 GB upp í ótakmarkað net og gildir inneign í 30 daga frá virkjun.

Neibbs, engin stofngjöld. Við höfum ekki trú á slíku. Við viljum frekar einbeita okkur að halda viðskiptavinum sáttum hjá okkur með góðu verði og þægindum.

En þú gætir þurft að kaupa 4G búnað hjá okkur.

Allt gagnamagn er talið á 4G nettengingum. Það þýðir að bæði upp og niðurhal er talið, s.s. vefráp, myndstreymi og afritun gagna inn á Dropbox.

Auðvelt er að fylgjast með talningunni í Nova appinu eða á Stólnum okkar.

Við látum þig vita þegar lítið er eftir af inniföldu mánaðarlegu magni eða af þínum frelsispakka svo þú getir brugðist við.

Við eigum fullt af pökkum, allt frá 5 GB upp í ótakmarkað net.

5 GB henta þeim sem þurfa lítið og horfa ekki á myndbönd á netinu. Póstur og smá vefráp sleppur.

50 GB hentar vel fyrir t.d. bústaði og orlofshús, sem eru notuð um helgar.

Ótakmarkað net er fyrir þá sem þurfa mikið, streyma miklu myndefni, eða nota 4G netið sem sína helstu nettengingu.

GB eða gígabæti (gigabyte) er magnmæling fyrir nettengingar. Eitt gígabæti eru þúsund megabæti.

Einn þáttur á Netflix í venjulegum gæðum (720x480) er í kringum 280 megabæti (0,28 GB) og í háskerpu um 440 megabæti (0,44 GB).

Einn hágæðastraumur (1080p) frá YouTube notar 4,5 megabita á sekúndu eða 0,5625 megabæti á sekúndu. Þannig eru 10 mínútur frá YouTube alls um 337,5 megabæti.

Fyrir þá sem eru á ferðinni og vilja tengja mörg tæki, þá er 4G hneta málið. 4G hnetan er í raun 4G pungur með rafhlöðu og þráðlausu neti þannig fleiri en eitt tæki geti tengst. Ólíkt 4G pung, þá geta tæki án USB tengja auðveldlega tengst hnetunni.

Heimili eða fyrirtæki sem vilja 4G net ættu að fjárfesta í 4G boxi. Boxið er öflugur þráðlaus netbeinir og geta allt að 32 tæki tengst því á sama tíma. Það eru einnig aðeins betri loftnet í 4G boxinu og hægt er að tengja loftnet við það.

Hnetan er í raun 4G beinir (router) fyrir fólk á ferðinni. Hún er í þægilegri ferðastærð með rafhlöðu sem dugar í 4 klukkustundir undir fullu álagi og allt að 300 klukkustundir í biðstöðu.

4G bílnet er fyrir þá sem eru á hraðferð. Búnaðurinn fer í samband við í 12v tengi farartækja (gamla kveikjaratengið). Hann gefur frá sér þráðlaust net þannig að mörg tæki geta tengst á sama tíma.

4G box er öflugur beinir (Huawei B315 router) fyrir heimilið, sumarbústaðinn og jafnvel fyrirtækið í einhverjum tilvikum. Boxið sendir út þráðlaust net (802.11 b/g/n) fyrir allt að 32 tölvur eða tæki í einu. Það býður einnig upp á netsnúrusamband fyrir fjórar tölvur (fast ethernet).

Oftast nær búnaðurinn góðu sambandi án loftnets. Hægt er að nota síma til að mæla sambandið áður, t.d. með Speedtest.net appinu.

Þú þarft að minnsta kosti 4 megabita á sekúndu til að streyma Youtube myndbandi og eiga smá bandvídd eftir. Gott samband er yfir 15 megabitum á sekúndur. Rosalega gott samband nær 30 mb/s.

Þú getur bætt samband þitt með loftneti, sem hægt er að tengja við 4G netbeini eða annan búnað sem er með loftnetstengi. Kannaðu málið.

Jebbs, ef hann styður 4G tíðnir Nova og hægt er að handstilla hann fyrir okkar samband. 4G búnaður sem er keyptur erlendis á sérkjörum fjarskiptafélags getur stundum verið lokaður og læstur.

Setja þarf inn internet.nova.is sem APN og símkortið okkar. Ef það gengur ekki, getur verið sniðugt að núllstilla tækið og prófa að setja inn stillingar aftur.

APN Nova er internet.nova.is

Lítið mál. Heyrðu í okkur á á netspjallinu eða í 519 1919 og við klárum málið saman.

Var gamla kortið að renna út og þú fékkst nýtt? Ekkert mál.

Heyrðu í okkur á á netspjallinu eða í 519 1919 og við klárum málið saman.

Æi, ertu netlaus? Allt í góðu, ekki missa stjórnina. Hér er einföld skyndihjálp til að koma þér aftur í samband.

1. Ertu örugglega með inneign?

2. Er kveikt á 4G búnaði og hann hlaðinn?

3. Er 4G búnaðurinn þinn með samband við netið? Á flestum 4G búnaði er hægt að sjá hvort það sé samband við kerfið. Oftast eru þetta stighækkandi strik, eins og á farsímum. Grænt ljós er gott merki, gult er slappt merki og rautt er ekkert merki. Ef þú ert með snjallsíma þá getur þú prófað sambandið með honum og hraðamælt það með Speedtest.net appinu. Ef þú þarft að fylla á inneign þá er það hægt hér.*

4. Endurræstu 4G netbúnaðinn þinn eða taktu 4G punginn úr tölvunni og settu aftur í samband. Það gæti verið sniðugt að endurræsa tölvu ef þú tekur pung úr sambandi. 3. Enn þá netlaus? Er þráðlausa netið tengt? Meira hér.

5. Búið að útiloka DNS stillingar? Meira hér.

6. Ekkert að þessu? Nú jæja. Þá er komið að því að heyra í okkur á netspjallinu eða í 519 1919 og fá tæknilega aðstoð og áfallahjálp.

1. Er þráðlausa netið niðri? Virðist netið virka en ekki þráðlausa netið? Reynum að bjarga því með nokkrum góðum ráðum:
   Er slökkt á þráðlausa netinu á beininum? Á honum ætti að vera ljós fyrir WLAN eða Wi-Fi. Ef það vantar, þá þarf að kveikja á því. Beinirinn frá Nova er með WLAN takka á hægri hlið. Smelltu á hann (ekki halda inni) og bíddu í nokkrar mínútur eftir ljósinu.

2. Er slökkt á þráðlausa netinu á tölvunni þinni? Það getur gerst. Margar tölvur eru með sérstakan takka til að slökkva á netinu, eða nota [FN]+[takki] til að slökkva á því. Oftast er táknið fyrir netið einhverskonar loftnet eða radíóturn.

Apple tölvur eru ekki með þannig takka, en hægt er að kveikja á því með því að smella á girnilegu pizza–sneiðina efst hægra megin hjá klukkunni og velja „Turn Wi-Fi On“.

Ef það er eitthvað verra en að skera sig ítrekað á pappírsblaði, þá er það hæg nettenging.

Ef þú ert með snjallsíma og Nova áskrift, þá getur þú notað símann til að mæla hraðann á netin með Speedtest.net appinu. Athugaðu fyrst hvort þú getir fært 4G búnaðinn þinn á stað með betra sambandi.

Ef þú ert með fullt samband en samt hægt net, getur ýmislegt annað verið að. Hér eru nokkur einföld skref til að koma netinu aftur á réttan hraða:

1. Endurræstu öll tæki, 4G búnað og tæki sem tengjast netinu. Byrjaðu á því að kveikja bara á einu tæki og mældu hraðann á því tæki. Ef það tæki fær góðan hraða, þá gæti vandamálið verið að eitt tækið eða ein tölvan sé að taka hraða frá öðrum tækjum. Skýjaafritunarlausnir (Dropbox), P2P umferð (BitTorrent) og streymi á myndböndum í hágæðum geta auðveldlega tekið alla bandvíddina frá öðrum

2. Athugaðu DNS eða VPN stillingar. Ef þú notar slíkt, getur það hægt verulega á netinu þínu.

3. Vírus- og netvarnir geta haft áhrif á nethraða og gæti verið að sniðugt að slökkva á þeim tímabundið til að útiloka varnir.

4. Stundum, þar sem margt fólk kemur saman, getur verið álag á 4G sendunum okkar. Þá er minna af bandvídd í boði og netið hægara.

Það er ýmislegt sem getur haft áhrif á beininn þinn:

• Beinar vilja helst ekki vera í skápum. Best er að geyma þá í mannhæð og í miðri íbúð (eða mitt á milli staðana þar sem þú notar netið).

• 5GHz tíðnin (AC) er mun hraðari en 2,4GHz, en nær ekki eins langt. Skiptu í 2,4GHz ef þú ert með lélegt merki, eða bættu við þráðlausum punkti.

• Málmar, eins og járnabindingar í burðarveggjum eða klæðningar, éta upp þráðlaust net. Best er að forðast þá, annað hvort með betri staðsetningu eða með því að bæta við þráðlausum punkti til að koma merki fram hjá hindrun.

• Önnur tæki sem senda frá sér bylgjur geta haft áhrif á beininn (heimasímar, örbylgjuofnar og fleira). Sum heimili eru bara of stór. Einn beinir getur sinnt um 100 fermetra íbúð nokkuð vel. Allt yfir það, eða önnur hæð, gerir allt mun erfiðra fyrir þennan eina beini. Bættu við þráðlausum punkti á seinni hæðina og það bjarga þér.

• Beinirinn getur verið orðinn of gamall. Fjögurra ára beinir telst því miður vera orðinn rígfullorðinn.

Við mælum alltaf með að tengja þráðlausa punkta með snúru en ekki þráðlaust. Endurvarp á lélegu merki verður áfram lélegt.