Dansgólfið

31. des 2017

Nova mælist nú með mesta hraðann

Nova er það fyrirtæki sem býður hraðasta farsímanetið á Íslandi samkvæmt Speedtest-hraðaprófi fyrirtækisins Ookla.

Síminn varð efstur í mælingum Ookla á fyrri hluta ársins 2017 en nú hefur Nova tekið fram úr og mælist með hraðasta netið hér á landi. Nova mældist með hraðann 51.61 Mb/s á farsímaneti og 259.76 Mb/s hraða í gegnum ljósleiðara hjá Ookla og hlýtur því viðurkenningu fyrirtækisins fyrir hraðasta netið á þriðja og fjórða ársfjórðungi ársins 2017.

Sjá nánar hér

Ookla er alþjóðlegt fyrirtæki sem sérhæfir sig í að mæla nethraða allra fjarskiptafyrirtækja á markaðnum og miðla þeim upplýsingum til neytenda. Fyrirtækið hefur framkvæmt yfir 10 milljónir mælinga í 55 löndum heims á síðustu þremur árum. Hægt er að skoða niðurstöðurnar fyrir Ísland og fleiri lönd á vef fyrirtækisins.

Mælingar Ookla, sem miðast við tímabilið frá 1. júlí til 31. desember á þessu ári, sýna að farsímakerfi Nova styður meiri nethraða en önnur fjarskiptafyrirtæki á Íslandi. Þá var einnig mældur hraði nettenginga til heimila og kom í ljós að ljósleiðaraþjónusta Nova er hraðasta heimatengingin á Íslandi. Í hraða heimatenginga mældist umtalsverður munur á Nova og þeim fyrirtækjum sem voru í næstu sætum.

Almennt hefur netumferð verið að aukast mikið, ekki síst í farsímum, sem kallar á stöðuga uppfærslu fjarskiptakerfa. Stóraukin netnotkun í farsímum snertir Nova sérstaklega, sem stærsta veitanda farsímaþjónustu á Íslandi, en viðskiptavinir fyrirtækisins nota netið meira en viðskiptavinir annarra fjarskiptafyrirtækja. Til marks um það þá fór 63,8% af allri netumferð í farsímum hér á landi í fyrra, um farsímakerfi Nova samkvæmt tölum sem koma fram í skýrslu Póst- og fjarskiptastofnunar.

Þessi niðurstaða hraðamælinga Speedtest frá Ookla er okkur mikið fagnaðarefni. Markmið Nova er að eiga ánægðustu viðskiptavinina og í því felst m.a. að bjóða upp á hraðasta farsímanetið. Við ætlum að halda áfram uppbyggingu farsímakerfis okkar á árinu 2018 til að mæta síaukinni netnotkun viðskiptavina okkar. Nova hóf í fyrra að bjóða ljósleiðaraþjónustu þar sem áhersla er lögð á hraða nettengingu inn á heimili, án þess að viðskiptavinir þurfi líka að greiða fyrir heimasíma og sjónvarpsþjónustu. Þannig höfum við aðgreint okkur frá öðrum á markaðnum. Við lítum svo á að öflug nettenging sé í raun það eina sem nútímaheimilið þurfi í dag til að njóta afþreyingar.

Nova hefur lagt áherslu á að vera fyrst til að innleiða ný farsímakerfi hér á landi
Nova á og rekur eigið 3G/4G farsímakerfi á landsvísu og hefur verið leiðandi þegar kemur að innleiðingu nýrra kynslóða fjarskiptatækni. Fyrirtækið setti upp fyrsta 3G farsímakerfið hér á landi árið 2006, hóf 4G þjónustu árið 2013 fyrst fyrirtækja og í október á þessu ári hóf félagið uppbyggingu á 4,5G farsímakerfi fyrst allra hér á landi.

Ég vil fyrir hönd starfsfólks Nova óska viðskiptavinum gleðilegs nýs árs, takk fyrir að vera hjá Nova

Liv Berþórsdóttir, forstjóri.


Nova mælist nú með mesta hraðann was originally published in novaisland on Medium, where people are continuing the conversation by highlighting and responding to this story.