Ljós­leið­ari

Ljósleiðari hjá Nova er öflug háhraða nettenging inn á nútímaheimilið. Nova býður ljósleiðaraþjónustu á ljósleiðarakerfi Gagnaveitu Reykjavíkur sem styður mesta hraða í heimatengingum sem hægt er að fá á Íslandi, 1.000 Mb/s hraða.

Ef þú ert að fá ljósleiðara í fyrsta skipti eða heimilið þitt, hefur Gagnaveitan samband við þig með góðum fyrirvara og kemur svo og tengir allt heila klabbið. Það kostar ekkert. Uppsetningin tekur oftast um 3–4 tíma, mögulega lengur eftir aðstæðum. Ef þú ert nú þegar með ljósleiðaratengingu á kerfi Gagnaveitunnar þá er ekkert mál að flytja þjónustuna til Nova. Eina sem þú þarft er Nova beinir (WiFi router) og við komum þér í samband samdægurs. Vúhú!

Nei, alls ekki. Ljósálfurinn sem kemur heim til þín og tengir allt heila klabbið, mætir með Nova beini (WiFi router), setur upp þráðlausa netið , tengir helstu tækin og gerir heimilið klárt.

Það er einfalt að horfa á sjónvarp hjá Nova. Þú sleppir einfaldlega myndlyklinum og nýtir þér nýjar leiðir að ótakmarkaðri afþreyingu í gegnum snjalltæki heimilisins, tölvuna, spjaldtölvuna, Android eða Apple TV-ið. Hér eru nokkrar leiðir sem við mælum með:

• Nova TV fyrir Android, iOS, Android TV og Apple TV. Allar helstu sjónvarpsstöðvar á Íslandi, bæði í beinni og einnig uppsafnað efni.

• Sjónvarp RÚV er með app fyrir græjur frá Apple og í Android síma. Við mælum með Sjónvarp appinu á Apple TV 4 fyrir hámarksupplifun. Kynntu þér Sjónvarp betur.

• Netflix er líka til á Íslandi! Þar færðu allt það nýjasta sem Netflix sendir frá sér. Glás af erlendu efni, helling með íslenskum texta og íslenskir þættir eru farnir að birtast þar líka. Þú finnur allt um Netflix á vefnum þeirra.

• YouTube, þessa margfrægu efnisveitu er hægt nálgast í gegnum flest snjalltæki og snjallsjónvörp. YouTube er með hellingsgommu af allskonar efni og þar geta allir fundið sér eitthvað.

• Facebook Video er mætt á markaðinn og eru með app fyrir Apple TV 4.

• Google Play Videos þeir sem eru með Android snjalltæki eða snjallsjónvarp geta leigt sér spólu á Google Play Videos, eða þá keypt sem reyndar kostar meira. Eina sem þú þarft að gera að skrá þig inn með Google aðgangi og setja inn greiðslukort.

Ef þú ert með Ljósleiðara hjá Nova og myndlykill frá Vodafone eða Símanum getur þú verið með myndlykilinn áfram en við mælum með að þú segir bless við óþarfa mánaðargjald.

Öryggisfyrirtækin bjóða upp á heimaöryggi í gegnum farsíma. Þegar búið er að panta vöruna er hægt að sækja app, fá tilkynningar og stjórna aðgerðum heima fyrir allt í gegnum farsímann. Frekari upplýsingar um vöruna er hægt að fá hjá öryggisfyrirtækjum.

Hér getur þú keypt myndavélar. Og þú fylgist með heimilinu, bústaðnum eða bara gæludýrinu í beinni, í farsímanum án þess að greiða mánaðargjald.

Öryggisfyrirtækin bjóða upp á neyðarhnappinn í gegnum farsímaþjónustu. Frekari upplýsingar um vöruna er hægt að fá hjá öryggisfyrirtækjum.

Ekki vera risaeðla losaðu þig við heimasímann og lækkaðu hjá þér reikninginn.

Já, ef þú átt þinn netbeini (WiFi router) sem er með WAN tengi, styður 1000 Mb/s og þér þykir mjög vænt um, þá er í góðu lagi að nýta hann. Við mælum samt eindregið með að nota nýlegan netbeini (helst ekki eldri en 4 ára) til að geta fengið netið í háskerpu og sinnt öllum snjalltækjum heimilisins þráðlaust. Stundum þarf að hafa samband við tæknitröllin okkar til að skipta út MAC tölu beinisins.

Heyrðu í okkur á netspjallinu eða í 519 1919 til að græja það.

Já, þú getur keypt þinn eigin netbeini í stað þess að leigja hann.

Ljósleiðari Nova styður 1.000 Mb/s sem er mesti fáanlegi hraði á einstaklingsmarkaði á Íslandi. 1.000 megabitar eru feikinógu margir megabitar til að keyra öll snjalltæki heimilis í einu. Þetta eru 1.000 megabitar til og frá þér. Sem er snilld fyrir þá sem lifa í skýjunum.

1.000 Mb/s er mjög hratt. Alltof hratt fyrir bara eitt tæki, en fínt fyrir heimili með mörgum snjalltækjum. Hvað eru mörg þráðlaus tæki á þínu heimili? Með meiri hraða, aukast gæðin. Sjónvarpið fer í 4K, 12 megapixla ljósmyndir birtast leiftursnöggt úr skýjunum og þú ert enga stund að ná í stóra nýja leiki. Einn sjónvarpsstraumur í 4K tekur allt frá 15 upp í 25 megabita og hraðinn tvöfaldast þegar þú spólar. Ef þrír horfa á sama tíma þarf 75 megabita og ef allir spóla á sama tíma getur þörfin farið yfir 200 Mb/s Netleikjaspilun þarf 1-5 megabita, og mjög lágan svartíma (sem ljósleiðari og góður beinir höndla vel saman).

Þú borgar mánaðarlega fyrir netnotkun, aðgangsgjald (leiga á ljósleiðaranum til þín) og beini (ef þú þarft hann). Sjá verðskrá.

Nei, það er ekkert stofngjald hjá Nova.

Þú færð fría uppsetningu ljósleiðara þegar ljósleiðaratenging á sér stað í fyrsta sinn. Ljósálfurinn sem kemur heim til þín og tengir, mætir með netbeini, setur upp þráðlausa netið, tengir öll helstu tækin og gerir heimilið klárt. Ein heimsókn og allt er tengt.

Þú þarft ekki að hafa neinar áhyggjur! Þú færist sjálfkrafa í ótakmarkað net. Ef þú vilt breyta aftur gerir þú það í Nova appinu eða smellir á hlekkinn sem við sendum þér í tölvupósti, athugaðu að sú breyting gildir frá og með næstu mánaðamótum. Ef þú lendir í vandræðum getur þú líka haft samband við okkur á netspjallinu eða í 519 1919.

Þú velur netpakka í ljósleiðara:

• 500 GB
• Ótakmarkað net

og getur fengið ótakmarkað net í farsímann: Í áskrift, mánaðarlega áfyllingu í frelsi og 4G netþjónustu.

Farsíminn í áskrift: Ótakmörkuð símtöl og SMS á Íslandi og þegar þú ert í Evrópu (EES). Ótakmarkað net á Íslandi og 9 GB í Evrópu (EES).

Mánaðarleg áfylling í frelsi: Ótakmörkuð símtöl og SMS á Íslandi og þegar þú ert í Evrópu (EES) Ótakmarkað net á Íslandi og 5 GB í Evrópu (EES).

4G netþjónusta: Símkort í 4G boxið eða iPadinn, ótakmarkað net á Íslandi og 9 GB í Evrópu (EES).

Innifalið í ótakmarkað net, er öll almenn netnotkun. Nova áskilur sér rétt til að takmarka eða loka þjónustu ef notkun viðskiptavinar felur í sér óeðlilegt álag, sem hefur neikvæð áhrif á upplifun annara viðskiptavina af þjónustunni.

Viðskiptavinir með ljósleiðara hjá Nova geta fengið ótakmarkað net í farsímann: Í áskrift, mánaðarlega áfyllingu á frelsi og 4G netþjónustu. net:\NET er því allt sem fjölskyldan þarf!

Það getur verið einstaklingur eða fyrirtæki sem er greiðandi af ljósleiðaranum. Það er notandi ljósleiðaraþjónustunnar sem verður greiðandi af öllum farsímanúmerunum – en það getur verið annað debet- eða kreditkort á bakvið mánaðarlegu áfyllinguna í frelsi.

Já, kæró getur fengið ótakmarkað net í farsímann: 3.190 kr. á mánuði. Nú ef kæró vill minna net og borga minna þá er hægt að fá annað kæró tilboð. Krakkarnir geta fengið ótakmarkað net í farsímann sem mánaðarleg áfylling í frelsi eða nýtt sér Mínus átján (1 GB á mánuði á 0 kr).

Nú geta allir viðskiptavinir Nova fengið ótakmarkað net í farsímann óháð ljósleiðaranum en greiða þó fullt verð fyrir þjónustuna.

Nú geta allir viðskiptavinir Nova fengið ótakmarkað net í farsímann skv. verðskrá.

Í áskrift og netþjónustu er hægt að nota 9 GB í Evrópu (EES) án álags, umframnotkun í Evrópu er 0,75 kr./MB sem jafngildir 768 kr./GB.

Í frelsi er hægt að nota 5 GB í Evrópu (EES). Við mælum með Ferðapakka áfyllingu í frelsi ef þú þarft meira net erlendis.

Ef hætt er með ljósleiðara hjá Nova þá fellur ótakmarkað net úr gildi og númerin eru sett í 5 GB netpakka. Ef notkun fer umfram 5 GB þá fær viðkomandi SMS um að stækka pakkann.

Ef þú ert með ljósleiðara hjá Nova þá getur þú fengið ótakmarkað net í farsímann.

Þetta tilboð getur vissulega hentað einyrkjum og minni fyrirtækjum sem kaupa ljósleiðara hjá Nova sem heimatengingu fyrir starfsmenn. Viltu vita meira um ljósleiðaraþjónustu Nova?

Það á ekki að færa núverandi ljósleiðarabox. Boxin eru ekki flutt á milli heimila, heldur sitja sem fastast. Ef það er fiktað í þeim, er hætta á að slíta Ljósleiðarann. En netbeinirinn má fylgja með á nýtt heimilisfang.

Byrjaðu á því að athuga hvort heimili þitt sé með ljósleiðara. Láttu okkur svo vita með nokkra daga fyrirvara. Það tekur smá tíma að flytja netið þitt á milli og stundum vantar jafnvel ljósleiðarabox á ný heimili. Þeir sem eru með nýjasta ljósleiðaraboxið á nýjum stað komast hratt og örugglega í samband aftur.

Heyrðu í okkur á netspjallinu eða í 519 1919 og við græjum flutning.

Til að skipta um rétthafa þarf núverandi rétthafi að samþykkja, sem og verðandi rétthafi.

Heyrðu í okkur á netspjallinu eða í 519 1919 og við klárum málið saman.

Var gamla greiðslukortið að renna út og þú fékkst nýtt? Ekkert mál.

Heyrðu í okkur á netspjallinu eða í 519 1919 og við klárum málið saman.

Þegar þú málar þá er betra að hreyfa ekki við ljósleiðaraboxinu, því þá er séns á að skemma þráðinn, sem liggur inn í tækið. Við mælum því með taka bara straumbreytinn frá og setja málningarlímband í kringum boxið eða sambærilegt, svo það sé ekki málað á það.

Gagnaveita Reykjavíkur sér um að tengja heimili við ljósleiðara fyrir Nova. Hér er ferlið þeirra:

1. Fyrst er settur upp inntakskassi á vegg innanhúss. Ljósleiðararör er tengt við inntakskassann og borað fyrir tengingu þess við utanhússlögn. Við þessa framkvæmd þarf sérfræðingur okkar að komast inn í húsið til að festa inntakskassann upp á vegg og tengja rörið.
2. Næst er rörið tengt við stofnlögnina. Stofnlögnin er grafin í jörð og liggur sérstök lögn frá stofnlögn að hverju húsi. Við þessa framkvæmd verða vélar og tæki við störf í götunni. Hugsanlega verður rask á eða við lóð þína í þessum verkhluta en ekki innanhúss.
3. Að loknum frágangi ljósleiðararöra er gengið frá skurðum og yfirborð lagfært. Næst er Ljósleiðarastreng blásið í gegnum rörið. Starfsmaður gengur frá Ljósleiðaranum í inntakskassanum og þarf því að komast inn í húsið.
4. Að lokum þarf að ljúka frágangi í tengistöð. Þegar því er lokið færðu senda tilkynningu um að heimilið sé að fullu tengt Ljósleiðaranum. Nú er heimilið tengt Ljósleiðaranum og þú getur keypt þjónustu hjá þjónustuaðila. Að því loknu kemur verktaki sem setur upp endabúnað á heimilinu sem gerir þér kleift að tengjast netinu.

Nova bíður eingöngu upp á þjónustu um nýjustu ljósleiðaraboxin, til að geta boðið með góðri samvisku upp á 1.000 Mb/s hraða. Þegar þú kemur í viðskipti uppfærum við ljósleiðaraboxið þitt án viðbótarkostnaðar. Nýjustu boxin heita Genexis.

Þú virkjar áskriftina með því að smella á hlekkinn sem við sendum þér í tölvupósti og fylgir svo leiðbeiningunum í skjalinu.

Hér er einföld skyndihjálp til að koma þér aftur í samband.

1. Endurræstu ljósleiðaraboxið og beininn. Beinirinn er líklegast inni í íbúð, á miðlægum stað. Boxið sjálft er oft sett á aðeins látlausari stað og oft inn í smáspennutöflu í nýlegum íbúðum. Best er að byrja á ljósleiðaraboxinu, gefa því fimm mínútur eða svo til að keyra sig í gang og endurræsa svo beininn.
2. Gekk þetta ekki? Er allt í sambandi? Eru allar snúrur þétt í tenglum? Taktu þær úr sambandi og settu þær aftur í samband. Báðum megin. Já, báðum megin. Er framhliðin á ljósleiðaraboxinu þétt smellt að sökkli (fremri hlið að aftari hlið)? Ýttu varlega á framhliðina þannig að hún smelli neðst.
3. Enn þá netlaus? Almáttugur! Er þráðlausa netið tengt?
4. Úff. Búið að útiloka DNS stillingar með einhverjum kúnstum?
5. Jæja. Þá er komið að því að heyra í okkur á netspjallinu eða í 519 1919 og fá tæknilega aðstoð og sáluhjálp.

Er þráðlausa netið niðri? Virðist netið virka en ekki þráðlausa netið? Hér eru nokkur ráð:

1. Er slökkt á þráðlausa netinu á beininum? Á beininum ætti að vera ljós fyrir WLAN eða Wi-Fi. Ef það vantar þá þarf að kveikja á því. Okkar beinir er með WLAN takka á hægri hlið. Smelltu á hann (ekki halda inni) og bíddu í nokkrar mínútur eftir ljósinu.
2. Er slökkt á þráðlausa netinu á tölvunni þinni? Það getur gerst. Margar tölvur eru með sérstakan takka til að slökkva á netinu, eða nota [FN]+[takki] til að slökkva á því. Oftast er táknið fyrir þráðlausa netið einhvers konar radíóturn. Apple tölvur eru reyndar ekki með þannig takka, en hægt er að kveikja á því með því að smella á girnilegu pizzasneiðina efst hægra megin hjá klukkunni og velja ‘Turn Wi-Fi On’.

Það eru þrjú gríðarlega, óskaplega mikilvæg ljós á ljósleiðaraboxinu.

• Aðalljósið (Power) þarf auðvitað að loga. Ef það er ekkert ljós þar, þá vantar rafmagn. Ef straumbreytir brennur yfir, er hægt að nálgast nýjan í verslun okkar í Lágmúla 9.

• Tengiljósið (Link) þarf að loga, enda stendur það fyrir sambandið sjálft. Það er eins og tvær örvar ofan á hvorri annarri sem vísa í sitthvora áttina.

• Gagnaljósið (Data) þarf að loga en má blikka. Það sýnir að samband sé í notkun og lítur út eins og tveir goggar hlið við hlið sem benda í sitthvora áttina.

Byrjaðu á því að endurræsa öll tæki (ljósleiðarabox, beini, tæki og tölvur) og mæla svo hraðann á speedtest.net.

Ef þú ert að nota þráðlaust net á Nova netbeini, þá ættir þú að sjá hraða í kringum 200 megabita á sekúndu ef þú ert með mjög gott merki. Ef þú tengist með snúru gæti hraðinn verið vel yfir 600 megabitum og jafnvel allt að 960 megabitum.

Ef þú ert að sjá lakari hraða en það, þá gæti eitthvað af þessu verið að:

• Lélegt þráðlaust merki
• Eldri búnaður
• Álag á búnaði
• Lélegar snúrur

Aldur tölva, tækja og beinis hafa öll áhrif á hraða. Þráðlaus nettækni kemur í kynslóðum, rétt eins og farsímanet (2G, 3G, 4G, 4.5G), sem hefur mikil áhrif á hraða. Fyrir nokkrum árum kom út staðall sem er kallaður AC staðallinn og bætir hann afköst umtalsvert. Kröfurnar á þráðlaus net hafa aukist mikið síðustu árin. Aldur beinis og álag vegna fjölda tengdra tækja eru tvær helstu ástæður hraðavandamála.

Ýmislegt getur valdið álagi á netsamband eða beininn sjálfan, sem getur dregið niður hraða. Helsti sökudólgurinn þar er Peer-To-Peer netnotkun, sem þekkist betur undir nafninu Torrent. Þar á eftir koma sérstakar DNS-stillingar og net- og vírusvarnir. Slökkvið á öllu slíku og jafnvel aftengið helst öll tæki og allar tölvur nema þá einu sem mælir á speedtest.net til að sjá ykkar raunhraða, án truflana.

Það er einnig mögulegt að vírar í netsnúru séu farnir að detta í sundur. Sérstaklega ef gengið eða lokað er á snúru. Þá veitir snúran skert samband. Það getur haft áhrif á myndbandsstreymi og mesta mögulega hraða. Skiptið lélegum snúrum út og gangið frá þeim þannig að þær verði ekki fyrir hnjaski.

Það er ýmislegt sem getur haft áhrif á merkið. Til dæmis ef beinir er inni í skáp, nálægt málmum, lokaður af hjá burðarvegg eða nálægt öðrum þráðlausum tækjum (heimasíma, örbylgjuofn o.s.frv.). Eins ef beinirinn er fjörgamall (+4 ára), tíðnin er 5GHz, eða heimilið einfaldlega of stórt.

• Beinar eiga helst ekki vera í skápum. Best er að geyma þá í mannhæð og í miðri íbúð (eða mitt á milli staðana þar sem þú notar netið).
• 5GHz tíðnin (AC) er mun hraðari en 2,4GHz, en nær ekki eins langt. Skiptu í 2,4GHz ef þú ert með lélegt merki eða bættu við þráðlausum punkti.
• Málmar, eins og járnabindingar í burðarveggjum eða klæðningar, éta upp þráðlaust net. Best er að forðast þá, annað hvort með betri staðsetningu beinis eða með því að bæta við þráðlausum punkti til að koma merki fram hjá hindrun.
• Sum heimili eru bara of stór. Einn beinir getur sinnt 100 fermetra íbúð nokkuð vel. Allt yfir það, eða önnur hæð, gerir allt mun erfiðra fyrir þennan eina beini. Bættu við þráðlausum punkti á seinni hæðina og það bjargar þér.

Við mælum alltaf með að tengja þráðlausa punkta með snúru en ekki þráðlaust. Endurvarp á lélegu merki verður áfram lélegt.

Nova býður einnig upp á aðra lausn fyrir stærri heimili. Kíktu á barinn hjá Nova og skoðaðu úrvalið.

Í flestum tilvikum á að vera nóg að endurræsa ljósleiðarabox eftir að hafa tengt beini og ræst hann að fullu.

Ef það gengur ekki er reynandi að endurræsa sjálft boxið, gefa því fimm mínútur til að hressa sig við og endurræsa svo beininn.

Ef ekkert lagast er kominn tími til að heyra í okkar á netspjallinu eða í 519 1919 og fá aðstoð og huggun.

Mælum með að þú skoðir snjallar Apple TV leiðbeiningar og fylgir hverju skrefi. Þegar þú hefur lokið uppsetningu ertu klár í ótakmarkaða afþreyingu með Apple TVinu þínu.