Nova hefur nú tekið í notkun nýja tækni sem heitir VoLTE og stórbætir hljóð- og myndgæði símtala í iPhone og Samsung.
Mun styttri tíma tekur að hringja á milli símtækja sem styðja VoLTE. Til að finna muninn þarf símtækið þitt og þess sem þú hringir í að styðja VoLTE.
Nova er eina símafyrirtækið á Íslandi sem styður þessa tækni. Hjá Nova fylgja símtöl og SMS netpökkum í áskrift og á 0 kr. í frelsi og það sama gildir ef símtalið fer yfir VoLTE — þú þarft ekkert að spá í tæknina en við vonum að þú finnir muninn á gæðum þjónustunnar.
VoLTE er nú í boði fyrir iPhone 6 og allar nýrri týpur af iPhone og Samsung 7 og nýrri útgáfur.
Til þess að VoLTE virki í iPhone símum verður að uppfæra stýrikerfið í iOS 11.3 sem nýverið var gefið út af Apple. Til að sækja nýjustu uppfærslu á að velja Settings > General > About og finnið tilkynningu um nýja uppfærslu.
Til að kanna stillingar þarf að tryggja að “Voice over LTE” sé virkt. Það má finna með því að velja Settings > Cellular > Eneble LTE > Voice & Data