Dansgólfið

3. júlí 2020

Uppbygg­ing­in á hraðasta netinu!

Uppbyggingin á hraðasta netinu!

Þjónustusvæði Nova nær til yfir 95% landsmanna og það er stöðug uppbygging á hraðasta netinu. Nova er eina fjarskiptafyrirtækið sem býður upp á 4.5G, en á 4.5G þýtur þú fjórum sinnum hraðar um netið en á 4G.

Það mætti segja að hjartað í Nova sé dreifikerfið okkar eða sendarnir, en með kraftmesta netinu tryggjum við ánægju viðskiptavina, öryggi landsmanna og auðvitað veitum aðgang að stærsta skemmtistað í heimi, internetinu.

Við erum stöðugt að efla þjónustusvæðið okkar og styrkjum að meðaltal 200 senda á ári til að tryggja afkastagetu. Við fylgjumst vel með meðalhraða kerfisins og ákveðinna svæða og grípum inní áður en hraði á kerfi fer að valda viðskiptavinum vandræðum.

Nova var fyrst á markað með 4.5G en þar vorum við að innleiða nýja tækni sem hafði í för með sér bætta upplifun hjá viðskiptavinum en öll þessi þróun á kerfunum okkar er auðvitað gerð með viðskiptavini Nova í huga. Nova er að flytja yfir 60% af öllu gagnamagni í farsímum á Íslandi sem er vitnisburður um hversu kraftmikið kerfið okkar er og hversu ánægðir viðskiptavinir eru með kerfið okkar, það er okkar keppikefli alla daga.

Uppbygging dreifikerfis Nova markast af því hvar álagið er mest. Við bætum við nýjum sendum reglulega, við erum í vegferð að uppfæra allt okkar 3G kerfi yfir í 4G og við erum auðvitað hvergi nærri hætt, 5G uppbygging er í fullum gangi. 5G loftnetin sem við erum að setja upp eru svo afkastamikil að þau geta breytt ótrúlega miklu fyrir minni bæjarfélög sem hafa ekki möguleika a Ljósleiðara. Með 5G verður ljósleiðarahraði mögulegur og mun 5G færa okkur mikil tækifæri í tækniþróun á Íslandi.

Uppbygging dreifikerfisins tekur okkur út um landið allt, við hittum fólk, förum uppá fjöll og erum í góðu sambandi við náttúruna. Það er þekkt að við í teyminu sem setjum upp dreifikerfið drögum fjölskylduna í fjallgöngur um helgar. "Heppilega" eru þetta akkúrat fjöll þar sem sendir frá Nova er, við dittum þá aðeins að kerfinu um leið, uppbygging og eftirlit með sendunum okkar er því orðið nokkurskonar fjölskyldusport.

Við leggjum sérstaka áherslu á að þjónusta viðskiptavini okkar þar sem þeir eru og erum við orðin sérfræðingar í því hvar helstu viðburði landsins er að finna á hverjum tíma. Á stórum hátíðum eins og menningarnótt, Gleðigöngunni, Þjóðhátíð á tónleikasvæðum og fleiri stöðum bætum við auka sendum við svæðið til að anna eftirspurn á þeim tímapunkti og styrkjum þannig kerfið okkar á stórum álagspunktum svo allir geti gleypt í sig netið á þeim tímapunktum sem það skiptir þá máli.

Við erum á blússandi ferð að byggja upp þjónustusvæði 5G á landinu öllu en eins og komið hefur fram eru Vestmannaeyjar fyrsti bærinn til að 5G-væðast í heild sinni á Íslandi. Heimaey verður þá hraðasta eyja landsins og jafnvel heimsins, enda er 5G tíu sinnum hraðara en 4.5G!

Tæknivarpið bauð Benedikt Ragnarssyni í heimsókn þar sem hann fer vel yfir framtíð 5G á Íslandi.

Mynd af Benedikt Ragnarsson
Benedikt Ragnarsson
Yfirmaður Fjarskipta