Samsung opnar á 5G hjá Nova svo 5G er nú í boði fyrir nýjustu gerðir Samsung Galaxy síma. 5G er margfalt hraðara en 4G og jafnast á við bestu ljósleiðaratengingar.
Nú bætast í hópinn ótal margir notendur á Íslandi sem hafa möguleikann á því að nýta sér 5G-tæknina og upplifa ótrúlegan hraða.
Sífellt fleiri tæki eru að koma inn á markaðinn sem styðja 5G-hraða, bæði símar og önnur nettengd tæki. Þessi þróun verður vafalaust bylting fyrir notendur þar sem 5G býður upp á meiri afköst og nákvæmni en áður þekktist! Með tilkomu 5G opnast sömuleiðis stór tækifæri í nýsköpun og tækni.
Nova hefur leitt þróun 5G á Íslandi og er eina fjarskiptafyrirtækið á Íslandi sem býður 5G þjónustu í farsíma. Prófanir hafa verið í gangi hjá Nova í 2 ár en fór svo formlega í loftið þann 5.5.2020 og nú verður það aðgengilegt á Samsung Galaxy farsímum svo miklu fleiri fá að njóta.
5G þjónustusvæði Nova nær í dag víða innan höfuðborgarsvæðisins. Uppbygging á landsbyggðinni er í fullum gangi en 5G er meðal annars komið til Hellu, Sandgerðis og Vestmannaeyja.
Þeir Samsung Galaxy símar sem styðja við 5G og tengjast háhraðanetinu eru Samsung Galaxy S20, S20+, S20 Ultra, S20 FE 5G og Samsung Galaxy S21, S21+ og S21 Ultra. Þú þarft að vera með nýjustu útgáfuna af Android stýrikerfinu og þú kemst á blússandi 5G ferð.
Rauða svæðið sýnir sterkt 5G merki. Grænt sýnir gott 5G merki og blátt sýnir sæmilegt 5G merki. Á öllu svæðinu býður Nova háhraða 4 og 4.5G merki.
