Farsímaþjónusta
Frelsi
Ótakmarkað tal fylgir öllum netpökkum!
Þú talar ótakmarkað og sendir SMS á 0 kr. á Íslandi og þegar þú ert í EES með netpökkum í Frelsi.
Tilkynningaskylda fylgir ekki í frelsi. Prófaðu að slökkva á öllu þessu áreiti og finndu frelsið sem fylgir lífi án rauðu deplanna. Hugsaðu um tilfinningar en ekki tilkynningar.
Vertu á staðnum.
Smelltu þér í Hjálpina og finndu allskonar upplýsingar, leiðbeiningar og tæknital um allt sem við bjóðum upp á.
Frelsi hjá Nova
Hver er munurinn á Frelsi og Áskrift?
Frelsi er fyrirframgreidd þjónustuleið í farsímaþjónustu. Frelsi getur kostað allskonar, það veltur á því hversu mikið net þú þarft og þú getur alltaf verslað mánaðarlega áfyllingu sem er gjaldfærð sjálfkrafa og kemur í veg fyrir að þú verðir netlaus. Þú getur líka fyllt á þig inneign eftir þörfum. Í Frelsi getur þú líka valið um aukaþjónustur eins og Hringt til útlanda eða Net í útlöndum.
Í Áskrift greiðir þú einfaldlega eftir á. Þú velur þá áskriftarleið út frá þinni netnotkun, svo þú stjórnar bara hvort þú vilt greiða fyrir áskriftina í netbankanum þínum eða lætur skuldfæra hana af kreditkorti sjálfkrafa.
Ótakmörkuð símtöl & SMS innanlands og innan EES fylgja öllum netpökkum hjá Nova, bæði í Frelsi og Áskrift.
Hvað er Mánaðarleg áfylling?
Mánaðarleg áfylling er sjálfvirk áfylling sem kemur inn mánaðarlega. Mánaðarleg áfylling er hagstæðari og þægilegri fyrir þau sem nota netið í hverjum mánuði.
Ef netið klárast áður en næsta áfylling kemur inn getur þú auðvitað keypt nýja mánaðarlega áfyllingu sem kemur þá strax inn og næsta áfylling kemur þá mánuði frá henni. Ef þetta gerist oft getur verið betra að kaupa stærri áfyllingu.
Hvað gerist ef ég er ekki með inneign og þarf að hringja?
Með öllu neti hjá Nova fylgja ótakmörkuð símtöl og SMS, bæði innanlands og á ferðalaginu í EES.
Ef þú ert ekki með netpakka eða krónuáfyllingu í Frelsinu er því ekki hægt að hringja, en þú getur einfaldlega sett á þig krónu- eða netáfyllingu í gegnum Fyllt'ann í appinu eða gegnum þjónustuverið og valið áfyllingu sem hentar þinni notkun.
Hvað ef ég vil ekki nota neitt net, bara hringja?
Nova býður besta verðið fyrir 100 MB og ótakmarkað tal í 30 daga.
Þú getur bæði verið með mánaðarlega áfyllingu eða krónuinneign sem er þá dregið af inneigninni ef þú hringir eða notar netið.
Þú ræður svo að sjálfsögðu hvort þú viljir nota megabætin - en það er einnig hægt að loka á netið bæði í gegnum Þjónustuverið og í símanum sjálfum.
Hvernig virkar Frelsi ef ég er í útlöndum?
Netpakkar hjá Nova gilda einnig innan EES, án þess að greiða aukalega fyrir ásamt ótakmörkuðum símtölum & SMS.
Þú getur séð nánar hvað er innifalið í netpakkanum þínum á Stólnum eða á nova.is/farsimi.
Fyrir utan EES gildir Net í útlöndum, þú getur séð allt um málið hér
Hvað kostar að hringja til útlanda?
Það fer alveg eftir því til hvaða lands þú ætlar að hringja. Þú getur flett upp landinu sem þú ætlar að hringja til og séð hvað það kostar.
Ef þú ert að hringja reglulega til útlanda, gæti verið að Hringt til útlanda henti þér betur. En svo er auðvitað tilvalið að nota netið til þess að hringja í alla vinina sem búa í útlöndum.
Hvernig skrái ég óskráð frelsi?
Óskráð frelsi er þegar númerið er ekki skráð á neina kennitölu eða nafn. Þá gilda ekki sömu réttindi og hjá skráðum númerum, til dæmis er ekki hægt að fá nýtt símkort ef það týnist.
Ef þú vilt skrá óskráð frelsi þarftu að vera með rafræn skilríki á númerinu og skrá númerið í Stólnum. Einnig er hægt að koma til okkar í verslun með símann og skilríki og við græjum þetta saman.
Hvernig hlusta ég á talhólfið mitt?
Númerið á Talhólfinu þínu er 770 1717 og þar getur þú hlustað á öll þau skilaboð sem bíða þín. Ef þú vilt slökkva á Talhólfinu þá getur þú græjað það í Stólnum í Nova appinu.
Hvernig breyti ég um Vinatón?
Það er lítið mál að breyta um Vinatón, þú græjar það í Nova appinu eða á tónlistinn.is. Ef þú vilt frekar hafa gamla góða sóninn þá getur þú slökkt á Vinatóninum í Stólnum í Nova appinu.
Hvernig fæ ég rafræn skilríki?
Ef þú færð nýtt símkort þarftu að virkja rafrænu skilríkin þín aftur, þar sem þau eru tengd við símkortið. Þegar nýja símkortið er komið í símann getur þú farið í þinn banka og virkjað rafrænu skilríkin þín eða pantað tíma í virkjun í verslun okkar í Lágmúla 9 á noona.is.
Til að fá rafræn skilríki í farsímann þarf símkortið þitt að styðja þjónustuna. Þú getur athugað hvort símkortið þitt styðji rafræn skilríki.
Ef kortið þitt styður ekki rafræn skilríki komdu þá við í næstu verslun eða heyrðu í okkur annað hvort á netspjallinu eða í 519 1919 og við sendum nýtt símkort til þín.
